लोणीकंद ग्रामंपचायतीच्या वतीने दोन कोटींच्या विविध विकासकामांचे भूमिपूजन, उद्घाटन
विविध विकासकामांमुळे गावातील पायाभूत सुविधांमध्ये भरीव वाढ तसेच नागरिकांना अधिक दर्जेदार सुविधा उपलब्ध : प्रदीपदादा कंद
पुणे : लोणीकंद, (ता. हवेली) : येथील ग्रामपंचायतीच्या वतीने गावाच्या सर्वांगीण विकासासाठी मंजूर झालेल्या दोन कोटी पाच लाख रुपयांहून अधिक निधीच्या विविध विकासकामांचे भूमिपूजन व उद्घाटन उत्साहपूर्ण वातावरणात पार पडले.
या कार्यक्रमात सुमारे ९६ लाख रुपयांच्या विविध विकासकामांचे भूमिपूजन करण्यात आले, तर अंदाजे एक कोटी नऊ लाख रुपयांच्या पूर्ण झालेल्या विकासकामांचे उद्घाटन करण्यात आले. या विकासकामांमुळे गावातील पायाभूत सुविधांमध्ये भरीव वाढ होऊन नागरिकांना अधिक दर्जेदार सुविधा उपलब्ध होणार असल्याचे प्रदीपदादा कंद यांनी सांगितले.
तर नागरिकांना मूलभूत सुविधा अधिक सक्षमपणे उपलब्ध करून देण्यासाठी ग्रामपंचायत, लोकप्रतिनिधी आणि ग्रामस्थ यांच्या समन्वयातून भविष्यातही विकासकामांचा वेग कायम ठेवण्याचा निर्धार यावेळी पंचायत समिती सदस्या मोनिका कंद, सरपंच सुप्रिया कंद, उपसरपंच सागर कंद आदींनी व्यक्त केला.
